Առաջարկվող ծառայությունները  

Առաքման ծառայություն (Հայաստան և արտերկիր)

Ընկերության  տեղական և միջազգային պատվերների առաքման ծառայությունը խոշորագույնն է և ծածկում է ողջ Հայաստանն ու աշխարհի գրեթե բոլոր երկրները:
Այն հնարավորություն է տալիս ջերմ զգացմունքներ փոխանցել հեռվում գտնվող հարազատ ու սիրելի մարդկանց  ծաղիկների ու նվերների միջոցով:

Ծաղկեփնջերի և ծաղկային կոմպոզիցիաների վաճառք

Ընկերության ծաղկի սրահները հասարակությանը հայտնի են որպես ոլորտում նրբաճաշակության խորհրդանիշ:
«Բրաբիոնի» ֆլորիստ-դիզայներների հարուստ երևակայության շնորհիվ օրվա ցանկացած պահի ընկերության սրահներում առկա է ամենաբազմազան ու առանձնահատուկ ծաղկեփնջերի ու կոմպոզիցիաների լայն տեսականի՝  ամենատարբեր առիթների համար:
Ընկերության ֆլորիստ-դիզայներները պարբերաբար մասնակցում են միջազգային մրցույթների ու ցուցահանդեսների: Նրանց պրոֆեսիոնալ որակները բարձր պահելու և ոլորտի նորություններին հաղորդակից  դարձնելու համար եվրոպական երկրներից մշտապես վարպետ-դասերի են հրավիրվում հայտնի ֆլորիստ-դիզայներներ:
Սրահներն առաջարկում են ինչպես բնական, այնպես էլ արհեստական կոմպոզիցիաներ:

Սենյակային բույսեր և թփեր

Սենյակային բույսերն ու թփերը լավագույն նվերն են այն մարդկանց համար, ովքեր սիրում են հոգ տանել ու խնամել դրանք: 
Դրանք առավել գեղեցիկ ու թարմ տեսք կհաղորդեն Ձեր բնակարանին, գրասենյակին կամ ժամանցի վայրին:

Նվերներ

Ձեր սիրելիներին ու հարազատներին կարող եք ծաղիկների հետ նվիրել նաև բազմազան նվերներ՝ խաղալիքներ, քաղցրավենիք, խմիչք, օծանելիք, սուվենիրներ, մոմեր, ծաղկամաններ, ինտերիերի ձևավորման պարագաներ և այլն:

Պատվեր 

Կարող եք պատվիրել Ձեր ցանկացած օրը, ցանկացած առիթով, ցանկացած գումարի, ձևի, ծավալի ու մեծության բնական կամ արհեստական ծաղկեփնջեր ու  կոմպոզիցիաներ՝ քաղցրավենիքի, խաղալիքների, մրգերի  և բազմազան աքսեսուարների համադրությամբ:  Պատվերներն իրականացվում են ամենասեղմ ժամկետներում՝ առանձնահատուկ մոտեցմամբ:

Կարող եք պատվիրել նաև քաղցրավենիքով կոմպոզիցիաներ, տորթեր, մրգերով և նվերներով զամբյուղներ: 

Նվերների փաթեթավորում և ձևավորում

Ցանկացած առիթին համապատասխան՝  նորաոճ, էքսկլյուզիվ, հումորային, էլեգանտ, նուրբ և էկզոտիկ փաթեթավորումներ՝ բնական ծաղիկների, բազմազան աքսեսուարների ու նյութերի համադրմամբ :  Ձեր նվերը կհիացնի մատուցման առաջին իսկ պահից:
Առաջարկվում է նաև նվերների տուփերի և տոպրակների լայն տեսականի:
Կատարվում են նաև հարսանյաց կամ այլ հանդեսների համար անհրաժեշտ զամբյուղների, տարոսիկների, մոմերի և անհրաժեշտ այլ պարագաների ձևավորումներ: 

Հարսանյաց և այլ միջոցառումների ծաղկային ձևավորումներ 

Ձեր միջոցառումներին առանձնահատուկ փայլ և շքեղություն հաղորդել կարող եք պատվիրելով ծաղկային ձևավորումներ:
Ընդունվում են ինչպես հարսանյաց, այնպես էլ ցանկացած այլ միջոցառման ձևավորման պատվերներ: Յուրաքանչյուր պատվերի նկատմամբ ցուցաբերվում է անհատական մոտեցում: Անվճար օգտագործվում են զանազան շատրվաններ, ապակե ամաններ, պատվանդաններ, բազմազան կոնստրուկցիաներ և աքսեսուարներ: 

Փուչիկներ և փուչիկային ձևավորումներ

Ընդունվում են պատվերներ՝ ինչպես կոորպորատիվ միջոցառումների ու շնորհանդեսների, այնպես էլ մանկական բազմազան միջոցառումների համար. ամենաբազմազան փուչիկներ և փուչիկային ձևավորումներ, հետաքրքիր և ուրախ ֆիգուրներ, մեծ փուչիկ մեջը մանր փուչիկներ. լավագույն նվերը երեխաներին:
Ընդունվում են նաև օդով և հելիումով փուչիկների պատվերներ: 

Հրավառություն

Ձեր տոնակատարությունն  առավել հիշարժան և տպավորիչ դարձնելու համար  առաջարկում ենք հրավառություն, որը կհիացնի իր հեքիաթային գեղեցկությամբ և անմոռանալի պահեր կպարգևի Ձեզ և Ձեր հյուրերին:  

Սգո պատվերներ  և  ձևավորում

Ընդունվում են պատվերներ նախատեսված սգո արարողությունների համար՝ սգո փնջերի, կոմպոզիցիաների, պսակների, ինչպես նաև սգո ձևավորման (եկեղեցու, բնակարանի, գերեզմանի):